Emri i Gentian Zenelajt është përmendur brenda shtëpisë së Big Brother nga Egla Ceno apo Jul Deda. Këta të fundit ishin edhe pretendentët për çmimin e madh që u fitua nga Egla Ceno. Por në syrin e Gentian Zenelajt, fituesi është Juli, u shpreh ai për “Pushime On Top” duke renditur edhe arsyet pse.
Gent Zenelaj: Fituesi për mua është Juli. U mërzita shumë që s’fitoi, unë mendoj që Juli është natyrë shumë luftarake dhe nuk e di se për çfarë arsyeje, sigurisht bëri shumë mirë, i kushtoi fitoren por Juli vendosi të ndiqte një strategji shumë më qytetarë, shumë më të qetë dhe shumë më tolerante, madje më ka habitur sepse unë e di Julin për shumë zjarr nga natyra, nga temperamenti i tij. Juli zgjodhi një rrugë, më pëlqeu qasja që bëri. Kemi folur gjatë pasi doli nga Big Brother, kemi pasur biseda shumë të gjata.
Genti shtoi se e ka votuar, pa bërë zhurmë e mbështetje me dronë sepse beson që njerëzit si Juli s’kanë nevojë për këtë, ata mund t’ia dalin kudo. Sa i përket Eglës, aktori u tregua i rezervuar dhe tha vetëm se “e ka surprizuar”.
Gent Zenelaj: Më pyesin shpesh nëpër intervista, unë Eglën e kam pasur 4 vjet shoqe klase dhe Egla ashtu është, ashtu vendosi të ndiqte strategjinë e lojës së saj, tani se ka qenë lojë, se ka qenë realisht luftë këtë nuk di të ta them, por në shumë gjëra më ka surprizuar…
Për keq apo për mirë?
Gent Zenelaj: Më ka surprizuar, nuk jua jap këtë sepse e di që do ta bëni lajm nëpër portale, më ka surprizuar.
-Surpriza më e madhe që të ka bërë Egla?
Gent Zenelaj: Next.
