Ushtarë të Gardës së Ushtrisë Kombëtare të Idahos po bëhen gati për t’u vendosur në Kosovë në kuadër të KFOR-it.
Siç ka njoftuar Misioni i ShBA-së në NATO, për Aleancën, siguria dhe stabiliteti i Kosovës është i rëndësie të veçantë.
“Pjesëtarë të Gardës së Ushtrisë Kombëtare të Idahos po vendosen jashtë vendit në mbështetje të misionit paqeruajtës të NATO-s në Kosovë. Këta qytetarë-ushtarë do të trajnohen në Teksas, para se t’i bashkohen Operacionit Gardiani i Përbashkët për një vit.
Siguria dhe stabiliteti i Kosovës dhe i Ballkanit Perëndimor është i një rëndësie strategjike për Aleancën”, ka thënë misioni i ShBA-së në NATO.
