Një sasi lëndë plasëse ka shpërthyer në një godinë boshe në rrugën dytësore “Tiranë-Vorë”. Mirëpo bëhet me dije se godina në të cilën ka ndodhur shpërthimi është në pronësi të personazhit të njohur në TikTok Kozak Braçi.
Mësohet se ambientin e kishte marrë me qira ku priste të bënte një investim ndërsa vlen të theksohet se si pasojë e shpërthimit janë shkaktuar vetëm dëme materiale.
Nuk mund të lëmë pa përmendur faktin që dhe më herët Braçit i kanë djegur një automjet.
Po ashtu për të gjithë ata që e njohin apo e ndjekin në rrjete sociale, duket se gjithçka nis nga konfliktet në TikTok, fenomeni që ka prekur jo vetëm personazhin në fjalë por dhe shumë individë të tjerë, qoftë të rritur apo të mitur, gjë që ka çuar në shumicën e rasteve në përfundime fatale.
