Një aksident i rëndë me pasojë një person të vdekur ka ndodhur në rrugën Korçë-Maliq ne afërsi te urës se Bulgarecit.
Sipas informacioneve behet e ditur se një automjet është përplasur me një kamion, ku te dyja mjetet jane përmbysur dhe kane dale jashtë rrugës.
Për pasojë shoferi i makinës, 35 vjeçari Kosta Nako ka ndërruar jetë, ndërsa u plagos pasagjeri qe ndodhej me te ne makine.
Njoftimi i policise
Rreth orës 17:05, në aksin rrugor “Korçë- Pogradec” në afërsi të fshatit Bulgarec, një kamion me drejtues shtetasin I. P., është përplasur me një automjet tip “Chevrolet”.
Si pasojë e përplasjes ka ndërruar jetë shtetasi K. N., rreth 35 vjeç, drejtuesi i automjetit tip “Chevrolet”, dhe ka ngelur i dëmtuar pasagjeri në këtë mjet shtetasi E. Dh., i cili ndodhet në spital nën kujdesin e mjekëve.
Grupi hetimor ndodhet në vend ngjarje për zbardhjen e rrethanave dhe shkakut të aksidentit.
