Momente dramatike janë filmuar nga kamerat, ku një pallat tre katësh në Stamboll është shembur, dhe mbetën të plagosur rëndë dy persona.
Ndërtesa u shemb në zonën e Kuçuk Çekmeçes dhe sipas mediave turke ka njerëz të bllokuar nën rrënoja. Në katin e parë të pallatit funksiononte një biznes, ndërsa në katet e sipërme banonin disa familje.
Në vendngjarje kanë shkuar forcat zjarrfikëse, policia dhe shpëtimtarët. Sipas mediave turke, nën rrënoja dëgjohen zëra. Arsyeja e shembjes mbetet e panjohur.