Familjarët e një burri thirrën të alarmuar ambulancën pasi ai kishte pirë disa birra dhe humbi ndjenjat në dush, ndërsa mjekët e ambulancës që erdhën në adresë nuk arritën ta risillnin në vete, megjithë përpjekjet e tyre.
Duke besuar se kishte vdekur ata e morën në ambulancë për ta çuar në spital por pasi përshkruan tre km ai u ringjall, doli nga ambulanca dhe vrapoi për t’u kthyer në shtëpi.
Një video e publikuar tregon momentet kur 59 vjeçari Prueang Enmak, u rikthye në jetë në shtratin e ambulancës teksa mjekët po e transportonin në spitalin Prasat në Tailandë.
Ambulanca kishte ardhur në shtëpinë e burrit që dukej i vdekur dhe e morën për ta çuar në spital për autopsinë. Por rreth 20 minuta pasi ishin nisur, Enmak mrekullisht u ringjall dhe shkuli një tub intravenoz serumi që mjekët i kishin vendosur.
Ai fillimisht dukej konfuz dhe refuzonte të fliste me stafin e ambulancës.
Sikur të mos mjaftonte ringjallja e papritur, burri thuajse 60 vjeçar vrapoi gati 3 km për të mbërritur në shtëpi, edhe pse nuk kishte treguar shenja jete prej 20 minutash.
Stafi ambulancës kishin tentuar ta ndiqnin për ta bindur të mos vraponte por ai kishte marrë një shkop dhe i kërcënonte për t’i mbajtur larg.
Rrjedhimisht burri kishte mbërritur në shtëpi, ku ishte qetësuar nga familjarët e tij.
