Një lajm të trishtueshëm e ka cilësuar Kryeministri Edi Rama, largimin nga jeta të shkrimtarit Ismail Kadare.
Rama e vlerësoi figurën e Kadaresë si, monumentin më të madh të kulturës shqiptare, i cili tanimë u ngjit në piedestalin e përjetësisë.
Kryeministri i Shqipërisë e ka quajtur Ismail Kadarenë “monumentin më të madh të kulturës shqiptare”.
“Sapo mësova lajmin e trishtueshëm të largimit nga mesi ynë i monumentit më të madh të kulturës shqiptare, i cili tanimë u ngjit në piedestalin e përballësisë dhe asnjë fjalë s’më vjen në këtë moment, po vetëm ideja e ribotimit të mesazheve të publikuara për ditëlindjen e tij.
Tani nuk është më gojëdhanë, Ismaili nuk shkruan më💔 ”- ka shkruar Rama, duke ripostuar në vijim një status të cilin e kishte publikuar me rastin e ditëlindjes së Kadaresë.
