Një ndërtesë dykatëshe u shemb në Saviano, në provincën e Napolit si pasojë e shpërthimit të gazit.
Mësohet se shpërthimi ka ndodhur në katin e dytë, në shtëpinë e një të moshuari. Ndërkohë në katin e parë një familje me 5 anëtarë – burrë, grua dhe tre fëmijë – mbetën nën rrënoja.
Zjarrfikësit nxorën të gjallë babanë dhe një nga tre fëmijët e tij 2-vjeçarë. Megjithatë, nuk mund të bëhej asgjë për dy fëmijët e tjerë, një 6-vjeçar dhe një 4-vjeçar, të cilët të dy vdiqën nga shembja.
Nën rrënoja është nëna e fëmijëve dhe një e moshuar, për të cilat po punohet për t’i gjetur.
Djali dy vjeçar i nxjerrë i gjallë nga rrënojat është transportuar në spitalin Santobono në Napoli dhe ndodhet jashtë rrezikut për jetën. Ndërsa babi ndodhet në gjendje të rëndë.
