Të mërkurën, furtunat goditën Viktorian e Australisë. Qyteti Casterton u dëmtua veçanërisht pasi ra 21 mm shi në vetëm 30 minuta që u pasua nga breshëri.
Mjetet dhe pronat u dëmtuan rëndë, raportohen dritare të thyera dhe tjegulla që kanë ‘fluturuar’ nga çatitë për shkak të erërave të forta.
Shtrirja e stuhisë së breshërit ishte rreth 200 km duke prekur pyjet dhe tokat bujqësore të Viktorias perëndimore. Disa fermerë thanë se mbi 70% të të mbjellave të kanolës ishin shkatërruar. Grumbullimi i breshërit arrinte deri në 15 cm. Sipas Byrosë Meteorologjike, kokrrat më të mëdha të breshërit arrinin një diametër prej 5 centimetrash dhe ranë në distriktin e Wonwondah.
Në ditët në vazhdim, Australia mund të gjendet sërish në kushte ekstreme të motit sepse i ftohti që vjen nga perëndimi mund të përfshijë vendin. Kjo mund të shkaktojë erëra të ftohta dhe stuhi pluhuri, krahas incidenteve të stuhive që mund të sjellin breshër në pjesën më të madhe të jugut të vendit.
Franca gjithashtu u përfshi nga stuhi të forta shiu gjatë së mërkurës dhe së enjtes që u përhap drejt lindjes së rajonit. Pjesa më e madhe e jugut të Francës ka vendosur një alarm portokalli për stuhitë ndërsa në Francën qendrore ka alarm të kuq për përmbytje këto dy ditë dhe disa do të jenë të aktivizuar edhe për të premten.
Veç breshërit dhe erërave të forta, janë të pranishme edhe vetëtimat, ndërsa në disa vende ka rënë mbi 100 mm shi në 24 orë duke sjellë përmbytje të rënda.
Në Stamboll të Turqisë, mjegulla shkaktoi shumë trazira gjatë javës. Shikueshmëria u reduktua në më pak se 500 metra mëngjesin e së mëkurës duke ndikuar në transportin tokësor dhe detar. Disa tragete u peulluan ndërsa tuneli Euroaziatik pati shumë vonesa nga të dy krahët. Si rrjedhojë, kjo solli edhe trafik të rënduar në të dyja anët e qytetit./tvklan.al
