Një aksident ka ndodhur mesditën e djeshme në Korçë, ku një automjet ka përplasur një 4-vjeçar që po kalonte rrugën me nënën e tij.
Uniformat blu bëjnë me dije se i mituri vijon të jetë në kujdesin e mjekëve, jashtë rrezikut për jetën.
“Në vijim të informacionit paraprak të dhënë mesditën e djeshme, për një aksident rrugor në lagjen nr. 8, ju informojmë se në përfundim të veprimeve procedurale, Sektori i Policisë Rrugore referoi materialet në Prokurori, për shtetasin E. B., 41 vjeç, banues në Korçë, për veprën penale “Shkelja e rregullave të qarkullimit rrugor”.
Me automjetin që drejtonte, 41-vjeçari ka përplasur një 4-vjeçar që po kalonte rrugen, me nënën e tij. I mituri vijon të jetë në kujdesin e mjekëve, jashtë rrezikut për jetën“, njofton policia.
