Jordan Egbert është një bloger udhëtimesh dhe aventurier amerikan që ndan përvojat e udhëtimit në llogaritë e tij në rrjetet sociale dhe në një nga videot e tij të fundit, ai zbuloi vendin më të çuditshëm
Aventurieri amerikan Jordan Egbert dhe gruaja e tij shitën të gjitha pasuritë e tyre për të udhëtuar nëpër botë. Ai deri më tani ka vizituar 130 shtete të botës dhe në një video të fundit ka treguar se cili prej 130 atyre e meriton titullin e më të çuditshmit.
Bëhet fjalë për Turkmenistanin, një vend për të cilin ai tha se është vendi më i çuditshëm në botë.
“Një vend në kryeqytetin e të cilit çdo ndërtesë dhe makinë duhet të jetë e bardhë, pothuajse asnjë internet dhe të gjitha faqet e internetit dhe aplikacionet janë të ndaluara”, thotë Egbert në video.
Ai theksoi se pjesa më e çuditshme është se kryeqyteti është i mbushur me monumente të mëdha të bukura dhe në të njëjtën kohë rrëqethëse, ku nuk ka njeri përreth.
“Mirë se erdhe në Turkmenistan. I hipa një fluturimi nga Stambolli, zakonisht ka një fluturim ndërkombëtar për në Ashgabat. “Gjëja e parë që vura re pas uljes ishte se edhe aeroporti është i ndërtuar me mermer të bardhë dhe ar – gjë që duket pak e panevojshme, por e bukur”, thotë ai në video.
Ai ka treguar se si duket një pjesë e aeroportit dhe më pas hotelin me tre yje ku ka qëndruar, ku kushton 70 dollarë qëndrimi, edhe pse duket si një “pallat mbretëror”.
“Ndërtesa luksoze pa njerëz”, kështu e ka përshkruar ai atë që ka parë në Turkmenistan.