Të shtëna me armë zjarri janë raportuar në lagjen nr.10 në Korçë. Dy persona kanë humbur jetën.
Mësohet se ngjarja ka ndodhur pranë një hoteli.
Siç shihet edhe nga pamjet e siguruara nga “ABC News” në vendngjarje ndodhet edhe policia dhe po punon për zbardhjen e plotë të rrethanave të vrasjes.
Lidhur me këtë ngjarje të rëndë mësohet se Jorgo prifti ka qëlluar me armë zjarri drejt 40 vjeçarit Emiljano Pine banues në Korçë. Si pasojë e plagëve të marra, 40-vjeçari nuk ka arritur të mbijetojë dhe ka ndërruar jetë rrugës për në spital.
Ndërsa theksohet se autori i dyshuar i krimit pasi ka qëlluar me armë zjarri ndaj 40-vjeçarit, dyshohet se ka vrarë veten me armën e krimit.
Shërbimet e Policisë kanë shkuar menjëherë në vendngjarje, ku kanë gjetur dhe sekuestruar në cilësinë e provës armën e krimit, gëzhojat. Gjithashtu janë administruar dhe po këqyren pamjet filmike nga kamerat e sigurisë.
Për këtë rast është krijuar një grup i posaçëm hetimor i cili po punon për zbardhjen dhe dokumentimin e plotë të ngjarjes, si dhe për identifikimin e autorit të ngjarjes.
/abcnews.al/